Harry Kane i ka dhënë ‘dritën jeshile’ Bayernit që në muajin maj
Ylli i Tottenham Hotspur, Harry Kane, thuhet si ka thënë po një transferimi te Bayern Munich, gjatë një takimi sekret që kishte pasur me trajnerin Thomas Tuchel në muajin maj.
Tuchel ishte në Londër në mes të majit dhe u takua me Kane për bisedime në shtëpinë e tij, sipas Sport Bild. Sulmuesi i Tottenhamit ishte i impresionuar me trajnerin e Bayernit dhe tha se ishte i gatshëm t'i bashkohej klubit të tij. Kane tha gjithashtu se motivimi i tij kryesor për t'u larguar nga Spurs do të ishte të përpiqej të fitonte Ligën e Kampionëve me Bayernin. "Ëndrra më e madhe" e sulmuesit është të ngrejë Ligën e Kampionëve pasi nuk ka arritur të fitojë asnjë çmim deri më tani në Tottenham.
Bayern ka bërë tashmë një ofertë prej 69 milionë euro për Kane, e refuzuar nga Spurs, por pritet të kthehet me një ofertë të re dhe të përmirësuar për kapitenin e Anglisë. Tottenham mendohet se dëshiron të paktën 116 milionë euro për golashënuesin e tyre më të mirë të, të gjitha kohërave.
Tottenhami njihet si negociator i ashpër, por Kane është i gatshëm të përpiqet të bëjë një lëvizje këtë verë. Sulmuesi mund të kërcënojë të largohet pa pagesë nga Spurs kur kontrata e tij të skadojë në vitin 2024 nëse kryetari Daniel Levy refuzon të pranojë oferta në këtë afat kalimtar.
Londinezët do të nisen në turneun e tyre para-sezonal në mes të korrikut. Spurs do të luajnë ndaj West Ham në Australi, Leicester në Tajlandë dhe Roma në Singapor.
