Haaland thyen rekordin e 'çmendur' të Mbappes në Ligën e Kampionëve me het-trikun e shënuar
Sulmuesi i jashtëzakonshëm i Manchester Cityt, Erling Haaland, ka thyer një rekord në Ligën e Kampionëve, që më parë ishte mbajtur nga Kylian Mbappe, me het-trikun që shënoi sot ndaj Leipzig në pjesën e parë të takimit.
Norvegjezi shënoi një het-trik në pjesën e parë, teksa shënoi edhe dy gola të tjerë në pjesën e dytë në fitoren 7:0, me qytetarët që u kualifikuan në çerekfinale të Ligës së Kampionëve. Teksa golat e Haaland do të ndihmojnë ekipin e tij të përparojë më tej në garë, ai gjithashtu theu një rekord individual mbresëlënës. Në moshën 22 vjeç e 236 ditë, sulmuesi i Cityt u bë lojtari më i ri që arrin 30 gola në historinë e kompeticionit.
Kjo e vendos atë përpara Kylian Mbappe, i cili më parë mbante rekordin me 22 vjeç e 352 ditë, që të dy janë shumë më përpara se Lionel Messi dhe Cristiano Ronaldo.
The youngest players to score 30 Champions League goals 👀 pic.twitter.com/EBXirjZacC
— GOAL (@goal) March 14, 2023
Haaland gjithashtu u bë lojtari më i shpejtë që arriti 30 gola, duke e bërë këtë në vetëm 25 ndeshje, duke mposhtur rekordin e mëparshëm të Ruud van Nistelrooy prej 30 ndeshjesh.
I pakënaqur me thyerjen e dy rekordeve, Haaland shënoi golin e katërt në fillim të pjesës së dytë. Ky gol e barazoi atë me Tommy Johnson për më shumë gola të shënuar në një sezon të vetëm për Man City (38). Goli i tij i pestë, i shënuar vetëm pak minuta më vonë, bëri që thyej edhe këtë rekord. Me atë përfundim, ai u bë lojtari i tretë në historinë e Ligës së Kampionëve që shënon pesë herë në një ndeshje të vetme.
