Guardiola tregon se a do të kthehet Haaland në fundjavë apo jo
Trajneri i Manchester Cityt, Pep Guardiola, ka thënë se sulmuesi i tij, Erling Haaland është ‘shumë më mirë’, pasi ky i fundit mungoi në dy ndeshjet e fundit, dhe mund të jetë i gatshëm në fundjavë me Qyetatarët që mirëpresin kthimin e norvegjezit në fushë.
Sulmuesi norvegjez nuk zhvilloi asnjë minutë kundër Leicesterit dhe Sevillas, pasi pati një goditje gjatë një ndeshjeje në Ligën e Kampionëve kundër ish-skuadrës së tij, Borussia Dortmund.
22-vjeçari, i cili ka shënuar 22 gola në të gjitha garat këtë sezon, tani po përpiqet të përfshihet në ndeshjen e Premierligës kundër Fulhamit të shtunën edhe pse ende nuk është përcaktuar se sa minuta do të jetë në gjendje të luajë.
.jpg?format=jpg)
Guardiola u tha gazetarëve kur u pyet për një përditësim për Haaland: “Ai është shumë më mirë. Ne do të vendosim sot. Është një hap i mirë për të filluar stërvitjen. Tani kemi stërvitje këtë pasdite dhe do të shohim. Nëse ai është i gatshëm për 90 minuta ose më pak minuta, do ta shohim pas stërvitjes”.
Haaland ka qenë një sensacion për Cityn këtë sezon, por Julian Alvarez ka bërë përshtypje kur iu kërkua të plotësojë boshllëkun në sulm dhe Guardiola nuk do të ketë asnjë ankesë për të futur sërish në lojë të riun argjentinas nëse Haaland konsiderohet se nuk është gati të startojë kundër Cottagers. Trajneri spanjoll shtoi disa fjalë për sulmuesin e tij 22-vjeçar: “Ai është kaq i ri, në atë moshë mund të luash çdo ditë”.
Manchester City ka fituar 10 ndeshjet e fundit në shtëpi në Premierligë, duke shënuar të paktën tre herë në çdo fitore të vetme (43 gola në total). Ata mund të bëhen skuadra e parë e ligës që fiton më shumë se 10 ndeshje të tilla në shtëpi radhazi që nga Aston Villa midis dhjetorit 1930 dhe shtatorit 1931 (13 ndeshje me radhë).
Në takimin e tyre me Fulhamin ata hynë nga vendi i dytë në tabelë, por do të arrijnë në krye brenda natës të paktën nëse janë në gjendje të kapërcejnë skuadrën e Marco Silva pasi liderët aktualë Arsenali nuk zhvillojnë ndeshjen e tyre deri të dielën.
