Guardiola: Manchester City do të luftojë me Barcelonën për Gundoganin
Trajneri i Manchester Cityt, Pep Guardiola, thotë se skuadra që udhëheq ai do të luftojë me Barcelonën deri në fund për Ilkay Gundogan, me burimet pranë ESPN-së që thonë se mesfushori gjerman me prejardhje turke do ta marrë vendimin për të ardhmen e tij këtë javë.
Gundogan, 32 vjeç, do të jetë pa kontratë në fund të këtij muaji, por fituesi i Ligës së Kampionëve ka në dorë ofertën për të vazhduar qëndrimin e tij shtatë vjeçar në Etihad Stadium.
Barcelona është e gatshme të përfitojë nga skadimi i kontratës së Gundogan, por Guardiola në dijeni që Xavi Hernandez ka qenë në kontakt me lojtarin, tha se Manchester City do të luftojë deri në fund për ta fituar garën me ish-skuadrën e tij për mesfushorin.
"Ne jemi të interesuar në rinovimin e kontratës së tij dhe [Barcelona] është gjithashtu e interesuar," u tha Guardiola gazetarëve në turneun e golfit Puma Legends të hënën.
"Shpresoj që ai të qëndrojë me ne. Ne jemi ende duke luftuar që ai të qëndrojë me ne. Ai është një lojtar që ne duam dhe ne do të bëjmë gjithçka që mundemi por ne e dimë se Barça e dëshiron atë. Nëse Barça nënshkruan me atë, ata do të kenë një futbollist të jashtëzakonshëm në duart e tyre. E di që Xavi e ka thirrur shumë. Nëse, në fund, ai zgjedh Barçën, unë do t'i them se do të kënaqet."
Burimet i thanë ESPN-së në mars se Barça ishte në lëvizje për Gündogan, me burime javën e kaluar që shpjeguan se ata ishin ende në pritje të vendimit përfundimtar të ish-lojtarit të Borussia Dortmund.
Xavi e ka bërë të qartë se dëshiron të shtojë më shumë gola dhe kreativitet në mesfushë këtë verë, duke thënë se një "lojtar i tipit Santi Cazorla" do të ishte nënshkrimi ideal.
Një tjetër lojtar i Cityt që ka qenë i lidhur me Barçën është mbrojtësi i djathtë João Cancelo, i cili e kaloi pjesën e dytë të sezonit në huazim te Bayern Munich në Bundesligë.
Xavi ka thënë se Barça ishte gjithashtu e prirë për të nënshkruar me Cancelon në janar, por se City nuk e lejoi kalimin e portugezit në Spotify Camp Nou.
"E lexova këtë, por Xavi është keqinformuar," tha Guardiola në përgjigje të këtyre komenteve. "Realiteti është se João duhej të largohej dhe ne nuk e kishim problem se ku do të shkonte ai, asnjë ofertë nuk erdhi nga Barça."
