Xavi: Transferimi i Cancelos në Barcelonë u bllokua nga Manchester City
Trajneri i Barcelonës, Xavi Hernandez, ka treguar se skuadra e tij u pajtua për një kalim të mbrojtësit Joao Cancelo në Camp Nou gjatë afatit kalimtar dimëror, por kjo lëvizje u bllokua nga Manchester City.
Cancelo u transferua te Bayern Munich si huazim në janar, por mund të kishte shkuar te Barcelona. Xavi ka zbuluar se gjigantët katalanas kishin rënë dakord për një marrëveshje për portugezin, por një lëvizje dështoi kur City vendosi të mos lejonte Cancelon të shkonte në Camp Nou në afatin e dimrit.
"Ne donim Cancelon. Ata na e ofruan atë dhe ne dhamë përgjigjen pozitive," tha ai për TV3 . "Në fund ata na thonë se Manchester City nuk dëshiron që ai të vijë te Barça. Kjo është e vërteta."
Cancelo vazhdoi të ndihmonte Bayernin të fitonte titullin e Bundesligës, duke bërë 15 paraqitje në kampionatin gjerman për gjigantët bavarez. Megjithatë, Bayern nuk ka gjasa të aktivizojë opsionin e blerjes prej 70 milionë eurosh në kontratën e tij, që do të thotë se ai po përballet me një të ardhme të pasigurt. Barcelona mendohet se është e gatshme të marrë Cancelon në huazim, por mbetet për t'u parë nëse City do ta bllokojë marrëveshjen edhe këtë herë.
Portugezi do të shpresojë të zgjidhë të ardhmen e tij gjatë verës tani që sezoni i Bayernit ka përfunduar. City ka ende dy finale për të luajtur, kundër Manchester United në Kupën FA dhe Interit në Ligën e Kampionëve, ndërsa Barça e mbyll fushatën e saj në La Liga të dielën në Celta Vigo.
