Gruaja e Di Marias i përgjigjet ish-yllit francez: Burri im mund të të mësojë si të qash

Gruaja e yllit argjentinas, Angel Di Maria, i është kundërpërgjigjur Adil Ramit, në tensionet që kanë shpërthyer pas finales së Botërorit ndërmjet Argjentinës e Francës. Ajo në një postim në instagram ka thënë se burri i saj mund ta mësojë francezin si të qajë dhe si ta trajtosh gruan.

Argjentina mundi Francën me penallti për të fituar Kupën e Botës 2022, por historia nuk mbaroi këtu. Portieri Emiliano Martinez shfrytëzoi maksimalisht festimet dhe sulmoi disa lojtarë francezë, duke shkaktuar një përgjigje të zemëruar nga ish-mbrojtësi francez Rami. Në fundin e dramës, gruaja e Di Marias, Jorgelina Cardoso, i është kundërpërgjigjur kapitenin veteran të Troyes.

Katar 2022 / Emi Martinezi e shpjegon më në fund pse e bëri gjestin e “rrugaçit”

Në një story në Instagram duke iu përgjigjur komenteve të bëra nga Rami për Di Marian në mediat franceze, Jorgelina u tha: “Angel mund të të mësojë se si të qash, si të trajtosh një grua dhe si të shënosh gola në finale! Gëzuar vitin e ri gjeni😉”

Pasi Martinez festoi në mënyrë të vrazhdë me çmimin e tij "Doreza e Artë" dhe filloi të sulmonte yjet e Francës si Kylian Mbappe, Rami vazhdoi të kritikonte Di Marian për mbrojtjen e portierit teksa postoi në Twitter foto të anësorit të Juventusit duke qarë. Vërejtjet e tij e shtynë gruan e Di Marias të përfshihej ndërsa grindja po vazhdonte.

Pavarësisht se futbolli i klubeve po rikthehet, duket sikur lufta e fjalëve që shkëmbehet në internet nuk dëshiron të qetësohet. Martinez do të kthehet në Aston Villa së shpejti, ndërsa Di Maria do të kthehet në Serie A me Juventusin në vitin e ri, 2023.