Gjyqtari që dëmtoi Arsenalin ndaj Brentfordit nuk do të gjykojë më ndeshje në Premierligë
Gjyqtari Lee Mason është larguar nga PGMOL (shoqata profesionale për përmirësimin e standardeve të gjykimit të ndeshjeve) më pak se një javë pas gabimit të tij në barazimin e Arsenalit me Brentfordin në kuadër të Premierligës.
Bordi i Zyrtarëve të Ndeshjes Profesionale të Lojërave konfirmoi largimin e 51-vjeçarit, i cili ishte në titujt e mediave për dështimin për dhënë një pozicion jashtë loje në ndeshjen e tij të fundit në Premierligë.
Goli i barazimi i shënuar nga Ivan Toney u pranua gabimisht edhe pse gjyqtari ndihmës pa rastin përmes videos, pavarësisht se Christian Norgaard ishte në pozicion jashtë loje dhe Ethan Pinnock që dukej se ndërhynte gjatë aksionit të golit.
Kjo bëri që trajneri i Arsenalit, Mikel Arteta të nxehej pas ndeshjes dhe gjatë javës, duke e quajtur gabimin 'të papranueshëm' duke shtuar se 'na kushtoi me dy pikë'.
Drejtori i PGMOL, Howard Webb udhëtoi te klubi i Londrës veriore për të shpjeguar gabimin gjatë javës, duke pranuar 'gabimin njerëzor' dhe duke kërkuar falje.
Megjithatë, ky akt do të jetë i fundit për Mason në Premierligë, siç konfirmohet nga një deklaratë nga organizata.
Në deklaratën e publikuar thuhet: “PGMOL mund të konfirmojë se gjyqtari ndihmës i videove Lee Mason është larguar nga organizata me pëlqim të ndërsjellë.
“Lee ishte një gjyqtar i Premierligës për 15 vite dhe mbikëqyri 287 ndeshje të ligës së parë gjatë asaj kohe, me të fundit që erdhi në fazat mbyllëse të sezonit 2021/22.
“Karriera e tij e plotë në lojën profesionale e pa 51-vjeçarin të drejtonte në mbi 500 ndeshje pasi ai përparoi në Ligën e Futbollit në vitin 1998.
“Ne dëshirojmë të falënderojmë Lee për shërbimin e tij të përkushtuar ndaj lojës profesionale dhe t'i urojmë atij të gjitha të mirat në të ardhmen.”
PGMOL Statement: Lee Mason pic.twitter.com/u06YKeDx5S
— PGMOL (@FA_PGMOL) February 17, 2023
Fatkeqësisht për Webb dhe PGMOL, ky nuk ishte i vetmi gabim i profilit të lartë të fundjavës, me Brighton që gabimisht iu anulua një gol kundër Crystal Palace.
