Gerard Romero: Barcelona synon shitjen e Auba dhe Depay, pastaj me të gjitha forcat hidhet në "sulm" për Bernardo Silva
Gazetari me burime të shumta pranë Barcelonës, Gerard Romero thotë se katalunasit do të provojnë transferimin e yllit të Manchester Cityt, Bernardo Silva.
Sipas tij, sapo të shiten Pierre-Emerick Aubameyang dhe Memphis Depay, Barcelona me të gjitha forcat do të hedhet në "sulm" për portugezin.
Chelsea ka arritur marrëveshje të plotë për shërbimet e yllit nga Gaboni, i cili do të niset për në Londër pas disa orëve dhe do ta mbyll marrëveshjen.
Kurse, Depay dje ka kërkuar largimin nga Barcelona, që është e hapur t'ia ndërpres kontratën nëse holandezi gjen marrëveshje me një skuadër të re. Chelsea është në bisedime me lojtarin, por ende s'ka asgjë konkrete.
E nëse kompletohen këto dy marrëveshje, atëherë Barcelona do të provojë transferimin e Silvas, me të cilin kanë edhe marrëveshje personale.
(🌕) JUST IN: Barcelona very close to reaching an agreement with Chelsea for Depay and Auba. Barcelona will then go for Bernardo Silva with full force. Agreement on personal terms already done @gerardromero #Transfers 🇵🇹 🚨
— Reshad Rahman ✆ (@ReshadRahmin_) September 1, 2022
Silva dje konfirmoi se do të qëndrojë te "Qytetarët", por në orët e ardhshme gjërat mund të ndryshojnë.
