EURO 2024: Mësohen të gjithë pjesëmarrësit në Evropian, ja si duken grupet

Dje përfunduan ndeshjet e play-offit nga Liga e Kombeve ku u mësuan edhe tri skuadrat e fundit që do të jenë pjesë e Kampionatit Evropian 2024 që do të mbahet në Gjermani, dhe më poshtë do të tregojmë si do të duken grupet.

Ukraina, Gjeorgjia dhe Polonia ishin kombëtaret e fundit që siguruan një biletë për në Gjermani, duke fituar finalet e Ligës së Kombeve në ligat e tyre përkatëse.

Euro 2024 do të jetë edicioni i 17-të i Kampionatit Evropian dhe Gjermania është zgjedhur si vendi pritës, me disa nga ekipet më të mira në botë që do të paraqiten në finalet e turneut.

Gjithsej 24 ekipe do të marrin pjesë dhe cikli i kualifikimeve filloi në mars 2023, duke përfunduar në nëntor të vitit 2023.

Kanë qenë 20 vende kualifikimi automatikisht, me dy skuadra që kanë përparuar nga secili grup kualifikues. Nikoqirët u kualifikuan automatikisht dhe tre vendet e mbetura u vendosen nga play-off, me skuadrat më të mira nga Liga e Kombeve 2022-23, të cilët nuk janë kualifikuar automatikisht, por që në Gjermani do të konkurrojnë me ato.

Do të jenë gjashtë grupe me nga katër kombëtare, ku Shqipëria gjendet në grupin B me shumë skuadra të forta kundërshtare.

Grupet në EURO 2024

Grupi A: Gjermania, Skocia, Hungaria, Zvicra;

Grupi B: Spanja, Kroacia, Italia dhe Shqipëria;

Grupi C: Sllovenia, Danimarka, Serbia dhe Anglia;

Grupi D: Polonia, Holanda, Austria dhe Franca;

Grupi E: Belgjika, Sllovakia, Rumania dhe Ukraina;

Grupi F: Turqia, Gjeorgjia, Portugalia dhe Çekia.

Për Shqipërinë kjo do të jetë hera e dytë që marrin pjesë në një Kampionat Evropian, pas kualifikimit historik në EURO 2016 ku nuk arritën të kalonin grupet, ndërsa në këtë edicion të 17-të ata synojnë ta bëjnë një gjë të tillë.

Kampionati Evropian 2024 fillon më 14 qershor me ndeshjen hapëse Gjermani - Skoci, ndërsa finalja e madhe do të jetë më 14 korrik.