Edon Zhegrova: E kam pritur kaq gjatë këtë gol, ndihem shumë i lumtur
Sulmuesi Edon Zhegrova është ndarë tejet i kënaqur me golin e shënuar në fitoren e Lilles ndaj Rennes.
Kosovari ishte kyç në fitoren e madhe që arriti Lille, duke shënuar dhe dhuruar dy asistime në fitoren 1:3.
Zhegrova për faqen zyrtare të Lilles deklaroi se ndihet tejet i lumtur për këtë gol që e ka pritur që sa kohë dhe beson se kjo do t'ia rris motivin për të vazhduar këtë formë të lartë.
"Jam shumë i lumtur që isha në gjendje të shënoj gol. E kam pritur këtë moment që një kohë të gjatë, por jam shumë i lumtur".
"Të shënosh gola të jep më shumë besim. Shpresoj që të shënoj edhe shumë të tjerë. Do të doja të falënderoja tifozët që erdhën kaq larg dhe shpresoj që e kanë shijuar, ata ishin të mrekullueshëm", deklaroi ai.
Découvrez la réaction de nos trois buteurs de la soirée et de Lucas Chevalier après cette magnifique victoire face à Rennes ⤵ pic.twitter.com/qkpJRAQu3r
— LOSC (@losclive) February 5, 2023
Për Zhegrovën ky ishte goli i parë në Ligue 1 për këtë sezon në fanellën e skuadrës franceze.
