Dy yjet e Arsenalit mungojnë në stërvitje para përballjes me Fulhamin

Arsenali mund t'i duhet të përballet me Fulhamin pa dy yjet e skuadrës, Gabriel Magalhaes dhe Riccardo Calafiori.

Topçinjtë ishin pa dyshen për fitoren 2:0 të së mërkurës kundër Manchester United në Emirates.

Arsenali nuk e ka specifikuar natyrën e lëndimeve, por Arteta shpresonte se ata të dy mund të ktheheshin në kohë për udhëtimin në Craven Cottage.

Megjithatë, asnjë nga lojtarët nuk ishte në gjendje të merrte pjesë në seancën stërvitore të së premtes.

Të dy Gabriel dhe Calafiori u stërvitën brenda ndërsa vazhduan rikuperimin e tyre.

Duke folur në konferencën e tij për shtyp para ndeshjes të së dielës, Arteta pranoi se klubi ka shqetësime për lëndime.

"Ne kemi disa mungesa, jemi dy ditë nga ndeshja, kështu që duhet të monitorojmë disa lojtarë”, tha Arteta.

“Ne kemi një seancë tjetër stërvitore nesër, kështu që duhet të shohim se si janë të gjithë për të dielën. Shanset e Gabrielit? Derisa të shohim seancën stërvitore të nesërme është shumë e vështirë të thuash diçka."

Arsenali mbylli diferencën me Liverpoolin në shtatë pikë pas barazimit 3:3 të Reds me Newcastle United të mërkurën.