Pamje: Drejtori i PSG-së tërbohet me lojtarët e vet, zbret nga tribuna dhe futet në fushë për t'i qortuar - NACIONALE
NACIONALE

Pamje: Drejtori i PSG-së tërbohet me lojtarët e vet, zbret nga tribuna dhe futet në fushë për t'i qortuar

3 vjet më parë

nga NACIONALE

Një skenë e pazakontë ka ndodhur në fitoren 4:3 të Paris Saint-Germain ndaj Lilles. Drejtori sportiv i parisienëve, Luis Campos u largua befasisht nga tribuna ku ishte duke parë ndeshjen dhe zbriti tek banka rezervë dhe në një moment hyri në fushë duke iu bërtitur lojtarëve pasi ishin duke humbur 3:2.

Padyshim një moment i ndërlikur është duke u ndjerë në PSG me skuadrën kampione në fuqi e cila erdhi në ndeshjen ndaj Lilles nga tri humbje radhazi, ndaj Marseilles në Kupës të Francës, Monacos në kampionat dhe Bayernit në Ligë të Kampionëve, derisa edhe paraqitja e sotshme nuk ishte tamam bindëse në pasditen e së dielës.

Në ndeshje me plot kthesa u pa në Parkun e Princave, ku fillimisht PSG shënoi dy gola të shpejtë me anë të Mbappes e Neymarit, me Lillen që arriti të barazonte e pastaj edhe të dilte në epërsi 3:2, por dy gola në minutat e fundit sërish nga Mbappe e Messi me golin e fitores për 4:3.

Për të sqaruar më shumë situatën e ndodhur, pas kthesës që bëri Lille në rezultat, Campos që më parë ka qenë edhe trajner la tribunat për të ardhur në stol, ku u pa duke iu bërtitur lojtarëve.

Ai këtë e bëri sa ishte në krah të trajnerit Christofe Galtier, ndërsa u pa edhe duke u ankuar në gjyqtarin e takimit pas një faulli të dhënë.

Pas golit magjik të argjentinasit, Luis Campos u pa duke festuar si i çmendur me pjesën tjetër të skuadrës dhe stafit.

Në ditët e fundit, në mediat e afërt me klubin është përfolur për disa mospajtime të brendshme dhe mbetët për t’u parë se si do të shkojë situata dhe a do të luajë rol në ftohje të gjakrave kjo fitore e arritur.

Tjera:

Lajme të ngjashme