“Do ta marrin Mbappen me ambulancë” – Mbrojtësi i Lens ‘kërcënon’ yllin e PSG-së në prag të ndeshjes
Mbrojtësi i Argjentinës dhe Lensit, Facundo Medina, ka lëshuar një paralajmërim për yllin e Paris Saint-Germain, Kylian Mbappe, para ndeshjes vendimtare të skuadrës së tij kundër kampionit francez që zhvillohet në fundjavë, duke thënë se nëse ai e kalon, do të vijë ambulanca ta marrë.
Mbrojtësi i Lens, Medina, ka lëshuar një paralajmërim për sulmuesin e PSG-së, Mbappe, përpara ndeshjes së tyre në Ligue 1 këtë fundjavë, duke thënë se ai do ta trajtojë ashpër sulmuesin. 23-vjeçari i bëri këto ‘kërcënime’ të bujshme teksa u shfaq në një intervistë në kanalin YouTube të Son Aviones.
"Nëse Messi më kalon javën e ardhshme, do ta kap për fanelle ose do ta përqafoj," filloi ai. "Më jep një përqafim, për Kupën e Botës".
.jpg?format=jpg)
“Nëse Mbappe më kalon, ata do ta largojnë me një ambulancë”, ka thënë argjentinasi me shaka, kur u pyet se çfarë do të bënte nëse njëri nga dy sulmuesit e PSG-së do ta kalonte atë gjatë lojës.
Pas 30 ndeshjeve dhe 69 pikëve, PSG mban kreun e tabelës me gjashtë pikë epërsi ndaj Lensit të vendit të dytë në Ligue 1. Megjithatë, pasi kanë pësuar humbje të njëpasnjëshme në ligë në shtëpi ndaj Rennes dhe Lyon, parisienët i ka dhënë shpresë kundërshtarëve për titullin, dhe hendeku mund të mbyllet në vetëm tre pikë nëse humbin këtë fundjavë.
Mbappe dhe PSG do të mirëpresin Lens këtë të shtunë, më 15 prill, në atë që premton të jetë një përballje mjaft tërheqëse.
