"Do ta bëjmë atë që mundemi" - Guardiola dërgon mesazh emocional për ish-trajnerin e Manchester Cityt të prekur nga kanceri

Trajneri i Manchester Cityt, Pep Guardiola, ka shprehur admirimin e tij për Sven-Goran Eriksson, i cili së fundmi zbuloi se po lufton me kancerin, duke thënë se i ka mbetur më pak se një vit jetë.

Të enjten, Eriksson njoftoi publikun se kishte marrë një diagnozë terminale të kancerit më herët. Suedezi vlerësoi se, në "rastin më të mirë", mund të mos ketë më shumë se një vit për të jetuar. Përpara se të kalonte një sezon si trajner i Manchester Cityt, Eriksson udhëhoqi Anglinë në çerekfinalet e tre turneve të mëdha gjatë qëndrimit të tij si trajner nga viti 2001 deri në 2006.

Trajneri spanjoll tha për faqën zyrtare të klubit: "[Ai është] një zotëri i vërtetë... është me të vërtetë një lajm i trishtuar. Unë e admiroj guximin për të shpjeguar situatën. Ai do të jetë me të dashurit e tij... Sigurisht, të gjithë ne do të japim mbështetje të madhe... çdo gjë që mund të bëjmë, do ta bëjmë."

Ish-trajneri i Man City mori shumë mbështetje nga bota e futbollit pas zbulimit të tij në lidhje me diagnozën dhe afatin kohor për kancerin. Nga viti 1997 deri në vitin 2001, Eriksson gëzoi një mandat të mbushur me trofe te Lazio. Ai fitoi disa trofe, si kampionati i Serisë A në vitin 2000, Kupa e Fituesve të Kupave Evropiane (1999), dhe Kupa e Italisë dhe Superkupa e Italisë në 1998 dhe 2000, respektivisht.

Për Guardiolën dhe njerëzit e tij, ndeshja e radhës vjen ndaj Newcastle United të Eddie Howe, të cilët kanë pasur vështirësi gjatë dy muajve të fundit. Ndeshja do të zhvillohet në St. James' Park të shtunën më 13 janar.