Distria Krasniqi dhe Laura Fazliu dominojnë në renditjen botërore në xhudo
Kosova është duke prirë në renditjen botërore përmes Distria Krasniqit dhe Laura Fazliut.
Pas paraqitjeve të mrekullueshme në këto muajt e fundit, si Krasniqi ashtu edhe Fazliu janë në vendin e parë në renditjen botërore në kategoritë respektive.
Distria Krasniqi është duke dominuar dukshëm në kategorinë deri në 52 kilogramë, me 8 mijë e 300 pikë pra mbi 900 pikë nga pozita e dytë që e mban xhudistja Diyora Keldiyorova.
Ndërsa, Laura Fazliu për herë të parë ka marrë vendin e parë në renditjen botërore me 5 mijë e 626 pikë në kategorinë deri në 63 kilogramë, duke tejkaluar xhudisten nga Britania Lucy Renshall që zë vendin e dytë.
Shumë i lumtur më këtë është deklaruar edhe trajneri Driton Kuka që në rrjetin social “Facebook” shkroi:
“Kosova në dy kategori numër 1. Disi 52 kg. Laura 63 kg. Kaq prej xhudos për sonte”.
“Laura për herë të parë mban numrin 1 në ranglistën botërore”.
