Diallo nënshkruan kontratë të re me Manchester Unitedin
Anësori i Manchester Unitedit, Amad Diallo, ka nënshkruar kontratë të re me Djajtë e Kuq, duke zgjatur qëndrimin e tij në Old Trafford për pesë vite e gjysmë apo deri në verën e vitit 2030.
Marrëveshja e mëparshme e 22-vjeçarit do të skadonte në fund të sezonit, megjithëse klubi kishte opsionin për një klauzolë zgjatjeje 12-mujore.
Por United ka zgjedhur t'i japë kushte të reja lojtarit të Bregut të Fildishtë, i cili ka shënuar gjashtë gola në 27 paraqitje këtë sezon.
"Jam vërtet krenar që kam nënshkruar këtë kontratë të re. Kam pasur disa momente të pabesueshme me këtë klub tashmë, por ka shumë të tjera që do të vijnë," tha Diallo.
“Kam ambicie të mëdha në lojë dhe dua të arrij histori te Manchester United. Ka qenë një sezon i vështirë për të gjithë, por unë besoj plotësisht se ne jemi në rrugën e duhur dhe e ardhmja do të jetë vërtet e veçantë. Jam gati të jap gjithçka për të ndihmuar ekipin dhe për t'i bërë përsëri krenarë mbështetësit tanë."
Diallo iu bashkua Manchester United në vitin 2021 nga klubi italian Atalanta dhe ka shënuar nëntë gola në 50 paraqitje.
"Të gjithë janë të kënaqur me zhvillimin e Amad," tha drejtori teknik Jason Wilcox.
“Cilësia e tij me top, shkathtësia dhe vendosmëria e bëjnë atë një pjesë kyçe të së ardhmes së Manchester United. Vitet më të mira të karrierës së tij janë përpara tij dhe ne të gjithë presim që të ndihmojmë Amadin të arrijë potencialin e tij të jashtëzakonshëm dhe të arrijë sukses në klub në sezonet e ardhshme”.
