Danezi Rune e mposht Djokoviqin në Romë, ia shuan shpresat për mbrojtjen e titullit
Danezi Holger Rune ka shënuar një fitore të madhe duke mposhtur serbin Novak Djokovic në Romë për të siguruar një vend në gjysmëfinale të "Italy Open".
20-vjeçari triumfoi me një paraqitje solide (6:2, 4:6, 6:2) për ta siguruar një vend në raundin e radhës.
“Është vërtetë një fitore e madhe për mua. Sigurisht bëra mirë vitin e kauar në Paris gjithashtu, por secila ndeshje për mua është sfidë e madhe kur luaj kundër Novakut”.
“Ai është një ndër më të mirët që ka luajtur. E dija që duhej të isha në më të mirën dhe siç thashë jam shumë krenar për vetën dhe dua ta shijoj këtë moment këtu”, deklaroi Rune pas fitores ndaj serbit.
𝗥𝗨𝗡𝗘 𝗗𝗘𝗡𝗜𝗘𝗦 𝗗𝗝𝗢𝗞𝗢𝗩𝗜𝗖 🇩🇰
— Live Tennis (@livetennis) May 17, 2023
Holger Rune dethrones reigning and six-time champion Novak Djokovic 2-6, 6-4, 2-6 to reach the Semi-Finals in Rome! @holgerrune2003 | #IBI23 pic.twitter.com/7afjXXI3O0
Kështu, tani danezi ka siguruar gjysmëfinalen e shumë pritur, aty ku do të përballet me fiteusin e ndeshjes Casper Ruud – Francisco Cerundolo në kryeqytetin italian.
Rune edhe në nëntorin e kaluar në “Rolex Paris Masters” arriti ta mposhtë Djokovicin për ta fituar më pas tërë trofeun.
