Dalin rezultatet, asnjë problem me zemër për yllin e Romës që pësoi arrest kardiak në fushë
Sky Sport Italia raporton se ylli i Romës, Evan N'Dicka, i është nënshtruar testeve të mëtejshme sot, ku rezultatet tregojnë se ai nuk ka probleme me zemër, ndërsa në javën e ardhshme pritet që të bëhen testime për mushkëritë e tij.
Mbrojtësi i Romës Ndicka iu nënshtrua testeve mjekësore në kryeqytet të hënën dhe rezultatet konfirmuan se nuk kishte probleme me zemrën për reprezentuesin e Bregut të Fildishtë, i cili ishte rrëzuar në fushë gjatë një ndeshjeje në udhëtim kundër Udineses të dielën.
Ndicka doli nga spitali i Udines të hënën dhe analizat e hershme nuk kishin gjetur tashmë asnjë gjendje të zemrës për 24-vjeçarin.
Ndicka nuk është stërvitur ende me ekipin dhe do të pushojë për ditët në vijim, kështu që ai nuk do të jetë i disponueshëm kur Roma e tij të takohet me Milanin në ndeshjen e dytë të çerekfinales së Ligës së Evropës të enjten mbrëma.
Korrespondenti i Sky Sport Italia, Angelo Mangiante shton në X, se Ndicka do t'i nënshtrohet testeve të mëtejshme të hënën, më 22 prill, për të kontrolluar mushkëritë e tij.
Mjekët romak thanë të hënën se problemi i Ndickës në stadiumin Bluenergy në Udine ishte "i pajtueshëm me një traumë kraharori me pneumotoraks minimal të majtë".