Chelsea refuzon ofertën e parë të Milanit për Joao Felix
Milani raportohet se ka qenë në kontakt me skuadrën londineze të Premierligës, Chelsean, për një marrëveshje të mundshme për Joao Felix, por skuadra e Enzo Marescas tashmë kanë bërë të qartë qëndrimin e tyre.
Raportet të premten në mëngjes sugjeruan se Milani është i interesuar për një marrëveshje për Joao Felix si një opsion alternativ për Marcus Rashford të Manchester United, pasi kuqezinjtë kërkojnë t'i ofrojnë Sergio Conceicao një tjetër opsion sulmues për pjesën e mbetur të sezonit 2024-25.
Megjithatë, sipas përditësimeve nga Gianluca Di Marzio, Chelsea e ka bërë të qartë se ata nuk janë të interesuar të huazojnë Joao Felix në janar.
Megjithëse ai ka hasur në probleme për të gjetur një vend në 11-shen fillestare të Maresca këtë sezon, kryesisht për shkak të pranisë së Cole Palmer në rolin e tij të preferuar. Joao Felix konsiderohet një anëtar i vlefshëm i skuadrës dhe nuk do të lejohet të largohet lehtë këtë muaj.
Kërkimi i Milanit për një sulmues vazhdon. Ka ende shpresë për Rashford, edhe pse United nuk është i gatshëm të kontribuojë në pagat e tij nëse ai largohet në huazim, ndërsa Giovanni Reyna i Borussia Dortmund gjithashtu është përmendur si një opsion i mundshëm.
