Chelsea arrin marrëveshje për transferimin e Robert Sanchezit nga Brighton
Chelsea ka arritur marrëveshje me Brighton & Hove Albion për të nënshkruar me portierin Robert Sanchez.
Spanjolli së shpejti do të paraqitet për t’i kryer testet mjekësore pasi dy klubet kanë gjetur gjuhën e përbashkët për një marrëveshje 25 milionë euro.
25-vjeçari do të garojë me Kepa Arrizabalaga për pozitën e formacionit bazë, meqenëse Edouard Mendy u largua për t’iu bashkuar Al Ahlit.
Sanchez ndoshta do të ketë edhe një ndihmë te madh te “Blutë” pasi do të ribashkohet me trajnerin e portierëve Ben Roberts, me të cilin punuan te Brightoni.
Sanchez që humbi vendin e titullarit në mars te Jason Steele, nuk ishte i përfshirë në fazën parapërgatitore që Brighton e zhvilloi në Amerikë.
Brighton tashmë ka nënshkruar zëvendësuesin e tij, pasi e blen holanedzin Bart Verbruggen nga Anderlecht.
🚨 EXCL: Brighton & Hove Albion have agreed a deal with Chelsea for goalkeeper Robert Sanchez. Spain international expected to undergo medical imminently. #CFC have been targeting 25yo as competition for Kepa following Mendy departure @TheAthleticFC #BHAFC https://t.co/9ODN1R2aKB pic.twitter.com/QkLEoLAJ6K
— David Ornstein (@David_Ornstein) August 3, 2023
Sanchez zhvilloi 23 paraqitje në Premierligë edicionin e kaluar para se ta humbiste vendin e titullarit.
Trajneri Roberto de Zerbi atë kohë kishte thënë se Steele i përshtatet më shumë stilit të lojës, shkaku i mbrojtës mbrapa.
Ndërkohë, për Chelsean ky do të jetë transferimi i pestë pas Christopher Nkunku, Nicolas Jackson, Lesley Ugochukwu dhe Angelo Gabriel, derisa e kanë kompletuar edhe marrëveshjen me Monacon për Axel Disasi që do të zyrtarizohet së shpejti.
