Camavinga i shtohet listës së lojtarëve të lënduar te Real Madridi, pritet të mungojë rreth tre javë
Mesfushori i Real Madridit, Eduardo Camavinga, do të mungojë rreth tre javë, siç raporton ESPN, pasi pësoi dëmtim muskulor në këmbën e majtë gjatë humbjes 2:0 ndaj Liverpoolit në Ligë të Kampionëve, të mërkurën.
Camavinga, i cili u kthye nga një problem i ligamentit të gjurit në shtator, kishte qenë një nga lojtarët më të mirë të Madridit në Anfield derisa u zëvendësua në minutën e 56-të.
Real Madridi është dashur të përballet me një sërë lëndimesh këtë sezon, me Dani Carvajal dhe Éder Militão jashtë për një kohë të gjatë, dhe Vinícius Júnior, Aurélien Tchouaméni, Rodrygo Goes dhe David Alaba të gjithë të padisponueshëm kundër Liverpool.
Një mungesë tre-javore do të bënte që Camavinga të humbiste ndeshjet e La Ligas me Getafe, Athletic Bilbao dhe Girona, një ndeshje që duhet fituar me Atalanta në Ligën e Kampionëve dhe Rayo Vallecano në La Liga.
Humbja e Madridit ndaj Liverpoolit ishte e treta e tyre në pesë ndeshjet e Ligës së Kampionëve, teksa kanë rënë në vendin e 24-të në tabelë, i fundit nga pozitat kualifikuese në play-off.
