Callum Hudson-Odoi pranë kalimit te Borussia Dortmund
Sulmuesi Callum Hudson-Odoi thuhet se është një hap më afër largimit nga Chelsea me Borussia Dortmundin sërish gati për të marrë yllin e ri në huazim.
Sipas “Sky Sports”, përfaqësuesit e 21-vjeçarit janë në bisedime me Dortmundin për një marrëveshje huazimi, pasi së fundmi u raportua se lojtari kishte informuar Thomas Tuchel për dëshirën e tij për t'u larguar nga “Stamford Bridge”.
Anësori dëshiron futboll të rregullt në skuadrën e parë, diçka që ai mezi e ka parë te Chelsea, duke bërë vetëm 11 ndeshje si titullar në Premierligë sezonin e kaluar dhe shumë prapa sulmuesve të tjerë Raheem Sterling, Kai Havertz dhe Christian Pulisic në renditje.
Ai gjithashtu u la jashtë skuadrës plotësisht për ndeshjen hapëse të sezonit të klubit të shtunën, kur “Blutë” mposhtën me vështirësi Everton në “Goodison Park”.
Katër klube thuhet se janë të interesuara për të blerë Hudson-Odoi, përkatësisht Dortmundi, Juventusi, Southampton dhe Leicester, dhe ndërsa skuadra e Bundesligës është e para që është kontaktuar nga përfaqësuesit e tij, raportohet gjithashtu se ata do të bisedojnë me të gjitha palët e interesuara. përpara se të merret një vendim.
Dortmundi ishte afër nënshkrimit të reprezentuesit anglez verën e kaluar si huazim, por propozimi u refuzua dhe më parë ai ishte gjithashtu subjekt i ofertave të shumta nga Bayern Munich.
Ndërsa ai ka vuajtur nga lëndimet, Hudson-Odoi është një lojtar shumë i vlerësuar që ka shënuar 16 gola dhe ka bërë 22 asistime në karrierën e tij të shkurtër, duke fituar Ligën e Kampionëve, Ligën e Evropës dhe Kupën e Botës për Klube, dhe gjithashtu u emërua lojtar i ri i Chelseat për vitin 2019.
Ndërsa Chelsea është i interesuar vetëm ta lërë atë të largohet si huazim, Hudson-Odoi kishte vetëm dy vjet të mbetur në kontratën e tij dhe mund të shpresojë që një huazim i suksesshëm do të çojë në një lëvizje të përhershme verën e ardhshme, kur çmimi i tij do të jetë më i ulët.
Ai është një nga disa lojtarë që pritet të largohet nga “Stamford Bridge” para mbylljes së afatit kalimtar më 1 shtator, me Marcos Alonso që ka shumë të ngjarë që përfundimisht t'i bashkohet Barcelonës, ndërsa Timo Werner do të ribashkohet me RB Leipzig me një marrëveshje të përhershme.
