Caicedo kërkon nga Brighton t’ia ulin çmimin pasi dëshiron të transferohet te Chelsea
Ylli i Brightonit, Moises Caicedo do të tentojë të negociojë me skuadrën e tij aktuale për t’ia ulur çmimin, pasi po dëshiron të largohet në drejtim të Chelseat.
Ekuadoriani thuhet se është i nervozuar nga vlerësimi i lartë i Brightonit për të dhe dëshiron që ‘Pulëbardhat’ të ulin kërkesat e tyre në mënyrë që të shtyjnë një transferim në Stamford Bridge në javët e ardhshme, raporton The Times. Brighton e vlerëson mesfushorin me mbi 115 milionë euro dhe tashmë ka refuzuar dy oferta nga skuadra e Londrës.
Brighton nuk po nxiton të shesë Caicedon, me kontratën e lojtarit që nuk skadon deri në verën e vitit 2027 pasi ai nënshkroi një marrëveshje të re në fillim të këtij viti.
Brighton e bleu 21-vjeçarin nga skuadra belge Beerschot për vetëm 5 milionë euro në vitin 2021, që do të thotë se kur klubi vendos të fitojë para nga ai, ata do të kenë një fitim të madh të papritur.
Se si dhe kur do të thyhet ngërçi për Caicedon mes Brighton dhe Chelsea, mbetet për t'u parë. Nuk do të ishte çudi nëse sezonin e ardhshëm do ta niste me fanellën e Brightonit.
