Braithwaite: Danimarka është kandidat serioz, ne mund të bëjmë diçka të veçantë

Sulmuesi Martin Braithwaite është i sigurt se Kombëtarja e Danimarkës mund të bëjë diçka të veçantë, duke fituar Kupën e Botës.

Danimarka nesër do ta zhvillojë ndeshjen e parë në kuadër të Kupës së Botës ndaj Tunizisë, ndërsa Braithwaite beson se mund të bëjnë befasinë.

“Ndonjëherë ky është mentaliteti danez: kaq të përulur ne jemi shumë të përulur. Si danezë, diçka ka munguar: jo pikërisht arroganca, por besimi për të shkuar dhe për ta bërë atë”.

“Ka pasur një ndryshim në mentalitet për lojtarët dhe popullatën: besimi se ne mund ta bëjmë vërtetë këtë, ne jemi vërtetë të mirë”.

“Më parë, njerëzit ishin të lumtur të fitonin disa ndeshje. Tani njerëzit thonë: 'Uau, ne kemi një ekip që mund të fitojë gjëra në të vërtetë.' Që nuk do të thotë të jesh me vetëbesim të tepërt: këtu fillon përulësia dhe puna e palodhur. Kjo është arsyeja pse ne jemi pretendentë seriozë”, tha fillimisht ish lojtari i Barcelonës.

Danimarka fitoi nëntë nga 10 ndeshjet kualifikuese, duke shënuar 30 dhe pranuar tre gola, derisa edhe mposhti dy herë Francën në Ligën e Kombeve pasi arriti deri në gjysmëfinale të "Euro 2020".

"E thashë para Kampionatit Evropian "Mbështetuni tek ne, ne mund të bëjmë diçka të veçantë' dhe tani njerëzit e shohin ndryshe sepse nuk ishte fat, nuk ishte rastësi. Kemi skuadër të fortë lojtar pas lojtari, një plan të mirë dhe është shumë vështirë për të na mposhtur. Ne vërtetë jemi shumë të fortë. Kemi lidhje të shkëlqyer dhe atmosferë të mirë, nuk e kemi atë garë që e sheh në klube, ku vetëm dëshiron të luash para lojtarit tjetër".

I pyetur për arrestin kardiak që pësoi Christian Eriksen, Braithwaite deklaroi: "Ndryshoi çdo individ, ndikoi edhe te grupi, ishte më shumë se futboll. Jeta kalon shumë shpejtë, ti duhet ta shijosh çdo moment. E tejkaluam të gjithë se bashku, do ta shpërndajmë gjithmonë këtë ndjesi. Është si një përrallë që jemi në Kupën e Botës dhe Eriksen është pjesë e jona. Askush nuk mund ta imagjinonte këtë".

Braithwaite thotë se ende ndjen frikë, por jo e njëjta. "Nuk është frika e njëjtë në ditët e sotme. Lojën e parë që luajtëm pa të, mund ta ndjesh energjinë në stadium, diçka të veçantë, emocionale, ku tifozët na ndihmuan".

"Ai ndihet shumë i qetësuar, nuk sheh frikë dhe thjesht i gatshëm të bëjë atë që do më së shumti. Jemi shumë të lumtur për të si person dhe që bënë atë që do sërish, ndoshta edhe më mirë dhe në nivelin e lartë. Është e mrekullueshme", deklaroi ai.