Bernardo Silva thotë se Manchester City nuk ka frikë nga Real Madridi
Mesfushori i Manchester Cityt, Bernardo Silva, ka thënë se skuadra e tij nuk ka frikë të përballet me kampionët në fuqi të Ligës së Kampionëve, Real Madridin, në gjysmëfinale këtë të martë.
Pavarësisht se ishte skuadra më e mirë gjatë dy ndeshjeve, Manchester City humbi 6:5 ndaj Real Madridit me rezultat të përgjithshëm në gjysmëfinalen e sezonit të kaluar dhe u rrëzua nga Liga e Kampionëve. Megjithatë, Bernardo Silva thotë se kampionët e Anglisë nuk kanë frikë të përballen sërish me 14 herë fituesit e Ligës së Kampionëve përpara ndeshjes gjysmëfinale.
Portugezi pohoi gjithashtu se ndërsa Manchester City respekton lojtarët e talentuar në listën e Real Madridit, ata nuk do të kenë ndonjë disavantazh psikologjik ndaj ekipit më të dekoruar në historinë e kësaj gare.
Duke folur me gazetarët, Silva tha: "Ne kemi shumë respekt për ta, po, por frikë jo fare. Pse duhet t'i frikësohemi atyre? Ne do të përpiqemi të mbajmë momentin që kemi ndërtuar mbi dy muaj për të arritur me shumë besim për t'i mundur ata, duke e ditur se ata fituan Ligën e Kampionëve sezonin e kaluar për një arsye.
"Nuk ka të bëjë me simbolin në fanellë, nuk ka të bëjë kurrë me atë. Ka të bëjë me lojtarët që janë në fushë. Nëse Madridi nuk do të kishte Modric, Kroos, Vinicius, Benzema - mund të them të gjithë - ata nuk do të fitonin asgjë, sepse fanella nuk e bën vetë. Do të ishim budallenj të mos i respektonim, por ne e kemi këtë qëllim duke e ditur që humbëm vitin e kaluar në rrethana të vështira. Këtë herë do të përpiqemi ta bëjmë diçka më ndryshe."
Manchester City aktualisht po ndjek një kurorëzim të trefishtë këtë sezon pasi aktualisht po udhëheq garën për titullin e Premierligës, ka arritur në finalen e FA Kupës dhe mbetet në garë në Ligën e Kampionëve.
Mbi ëndrrën e tyre për t'u bërë skuadra e dytë angleze pas Manchester United që fiton tripletën, Silva tha: "Ne nuk do të gënjejmë. Kjo është padyshim një garë që e duam sepse është i vetmi që nuk e kemi fituar ende. Jemi në një pozicion shumë të mirë për të luftuar për të tre trofetë. Finalja e FA Kupës është një derbi, do të ishte diçka shumë e bukur për tifozët tanë.
"Tani, Liga e Kampionëve është një trofe që do ta donim vërtet, dhe titulli i Premierligës do të ishte i pesti në gjashtë vitet e fundit dhe ne do të hynim në histori. Unë nuk do të isha në gjendje t'ju them se cilin e dua më shumë. I duam të gjithë, shumë! Dhe ne do të vazhdojmë të luftojmë, duke ditur se, po, ne mund t'i fitojmë të gjitha, por mund t'i humbim gjithashtu të gjitha."
Pas përballjes me Real Madridin në ndeshjen e parë të gjysmëfinales së Ligës së Kampionëve të martën, skuadra e Pep Guardiolës më pas do të shkojë në Everton në kuadër të Premierligës.
