Benzema: Vini e meritoi Topin e Artë, Rodri s’bën asgjë për të thënë “Wow”
Sulmuesi Karim Benzema e ka “sulmuar” mesfushorin Rodri, duke deklaruar se spanjolli nuk bën asgjë për të mbetur i shokuar, derisa Vinicius Junior e ka merituar Topin e Artë.
Rodri e fitoi Topin e Artë për vitin 2024, ku mposhti në garë yllin e Real Madridit Vinicius Junior.
Për “El Chiringuito”, Benzema deklaroi se Vinicius është i mërzitur që e nuk e fitoi Topin e Artë, ndërsa nuk mbetet asnjëherë i impresionuar nga Rodri.
“Fola me Vinin, është i mërzitur... është normale. E meritoi ta fitonte Topin e Artë”.
“Nuk kam asgjë kundër Rodrit, është lojtar i mirë, por kur jam në shtëpi dhe shikoj televizionin, Rodri nuk bën asgjë për të më bërë të them “Wow”.
⚪️🇧🇷 Karim Benzema: “I spoke to Vini, he’s sad… it’s also normal. He deserved to win the Ballon d’Or”.
— Fabrizio Romano (@FabrizioRomano) October 30, 2024
“I’ve nothing against Rodri, good player… but I’m in my sofa watching TV and Rodri doesn’t do anything that makes you say: wow!”, tells @elchiringuitotv. pic.twitter.com/c6zRL6gtH4
Ndërkohë, shumë yje të futbollit tashmë i kanë dalë pro Viniciusit, ndërsa te Real Madridi besojnë se braziliani nuk e fitoi Topin e Artë vetëm shkaku i UEFA-s.
Përndryshe, për t’i qëndruar prapa lojtarit, “Los Blancos” e bojkotuan tërë ceremoninë e Topit të Artë, duke refuzuar të udhëtojnë për në Francë.
