Balotelli: Më mirë për Interin që nuk është favorit ndaj Manchester Cityt në finale të Ligës së Kampionëve
Ish-sulmuesi i Interit dhe Manchester Cityt, Mario Balotelli, nga pikëpamja e tij ka treguar se si e sheh finalen e Ligës së Kampionëve të 10 qershorit në Stamboll ndërmjet Interit dhe Real Madridit, duke thënë se më mirë për zikaltrit që hyjnë në këtë ndeshje si kundërshtar më ‘i dobët’.
32-vjeçari, i cili kaloi gjashtë vite të ndara në mënyrë të barabartë mes Interit dhe Cityt në vitet 2007-2013, pranoi për La Gazzetta dello Sport se kampionët e Premierligës janë një nga skuadrat më të mira në botë, ndërsa Interi ka një formacion efektiv nën drejtimin e Simone Inzaghit.
Dhe, edhe nëse City është favorit i fortë në finale, Balotelli beson se Interi ka ende disa lojtarë të aftë për momente të shkëlqyera individuale, të cilat mund të jenë të dobishme më 10 qershor.
“Interi ka shumë lojtarë që mund të bëjnë diferencën”, tha ai fillimisht. “Duke filluar nga miku im i mirë Dzeko, por edhe duke mos harruar Lukakun dhe Lautaron sensacional, goli i tij i dytë kundër Fiorentinës ishte i bukur. Përvoja më thotë se është më mirë të arrish në një finale kur nuk je favorit. Ndërsa skuadra e Guardiolës luan një futboll tërheqës, skuadra e Inzaghit është gjithashtu shumë efikase.”
Kur u pyet nëse mendonte se City ka në dispozicion sulmuesin më të mirë në botë, Balotelli u përgjigj: “Erling është i jashtëzakonshëm. Numrat tregojnë se ai është sulmuesi më i mirë në botë, por për mua është një çështje e preferencës personale”. Ai vazhdoi: “Osimhen për shembull është i veçantë. Ai bën gjithçka në fushë dhe më kujton pak veten time në kulmin e karrierës, megjithëse ai është unik në vetvete.”
Balotelli ishte i pranishëm për ndeshjen e dytë të gjysmëfinales së Ligës së Kampionëve në San Siro, gjatë së cilës Interi vulosi një fitore të përgjithshme 3:0 ndaj rivalëve të qytetit Milanit.
"Ka pasur atmosferën e një mbrëmjeje të shkëlqyer," tha ai, duke rrëfyer ngjarjen se si rrodhi në stadium. “Pashë shumë njerëz, ndër të tjerë Leaon. E këshillova të qëndronte te Milani. Atje ai ka një ekip me një të ardhme të ndritur, me disa përforcime që mund të sfidojnë këdo.”
Kur u pyet se cilët lojtarë të Milanit i admiron më shumë, Balotelli u përgjigj: “Mes të gjithëve, Rafa Leao dhe Maignan. Gjithashtu Tonali, e pashë të luante kur ishte ende te Brescia. I gjithë grupi është konkurrues. Kush do ta kishte menduar se ata do të fitonin një titull kampioni dhe më pas do të shkonin në gjysmëfinale të Ligës së Kampionëve?”
Intervista a Mario Balotelli: "Io, Dzeko, Haaland e City-Inter col cuore diviso" #UCL https://t.co/CPyoAOwS9p
— La Gazzetta dello Sport (@Gazzetta_it) May 27, 2023
