“As nuk u përpoq” – Trajneri i Argjentinës tregon arsyen se pse mungoi Messi ndaj Bolivisë
Trajneri i Argjentinës, Lionel Scaloni, ka thënë se Lionel Messi nuk ishte në gjendje të luante ndaj Bolivisë, prandaj as nuk u përpoq të stërviste, si shkak i një lëndimi që e shqetësonte.
Fituesi argjentinas i Kupës së Botës u zëvendësua vonë në fitoren 1:0 të kombit të tij ndaj Ekuadorit të enjten e kaluar, një lojë në të cilën ai shënoi gol të jashtëzakonshëm. Por shqetësimet u ngritën kur trajneri Scaloni tha se 36-vjeçari ndjeu "diçka" dhe kërkoi të zëvendësohej në minutat e fundit të ndeshjes. Para ndeshjes të së hënës me Bolivinë, Scaloni tha se ylli i Inter Miami do të udhëtonte me skuadrën argjentinase, por ai u la përfundimisht jashtë skuadrës së ndeshjes. Në fund, Argjentina nuk kishte nevojë për 36-vjeçarin e saj pasi rezultoi fituese 3:0, falë golave të Enzo Fernandez, Nicolas Tagliafico dhe Nicolas Gonzalez në La Paz, por lëndimi i Messit mund të jetë diçka shqetësuese.
Pas ndeshjes, e cila u luajt në më shumë se 3,000 metra mbi nivelin e detit, Scaloni u tha gazetarëve: "Ai [Messi] nuk ishte gati për të luajtur. Dje ai u përpoq të rikuperohej dhe ai nuk ndihej rehat, kështu që nuk ndërmori rrezikun.”
Trajneri i Argjentinës shtoi: “Ai nuk ishte në formë. Dje në stërvitje donim që ai të provonte dhe ai as që u përpoq”.
.jpg?format=pjpg&auto=webp&width=3840&quality=60)
Inter Miami do ta ketë ndeshjen e radhës në MLS të shtunën kundër Atlanta United dhe nëse Messi nuk është i aftë, shanset e tyre për të kaluar në play-off do të jenë edhe më të largëta. Megjithatë, Miami do të shpresojë që ai të jetë i aftë për t'u përballur me Houston Dynamo në finalen e Open Cup të ShBA-së më 27 shtator. Ai gjithashtu mund të paraqitet më parë në ligë kur Miami të përballet me Toronton (21 shtator) dhe Orlando City (25 shtator).
Argjentina, e cila ka fituar dy ndeshjet fillestare kualifikuese të Kupës së Botës 2026, të radhës do t’i luajë kundër Paraguait dhe Perusë më 13 dhe 18 tetor respektivisht. Messi do të pritet të luajë një pjesë në të dyja ndeshjet nëse ai kthehet shpejt në gjendjen e tij më të mirë.
