Arteta thotë se dy penallti skandaloze i kushtuan Arsenalit me dy pikë

Trajneri Mikel Arteta fajësoi dy vendime skandaloze të penalltive pasi Arsenali u detyrua të pajtohet me një barazim te Newcastle të martën mbrëma.

Liderët e Premierligës nuk arritën të shënonin për herë të parë gjatë gjithë sezonit pasi një përplasje e ashpër përfundoi 0-0 në “Emirates”.

Arsenalit iu refuzuan disa goditje penallti në pjesën e dytë - fillimisht kur Gabriel u duk se e tërhiqte fanellën e tij nga Dan Burn dhe më pas pasi krosimi i vonë i Granit Xhakës goditi krahun e Jacob Murphy - me këtë të fundit duke lënë Artetën të indinjuar.

Asnjëra nuk u dha nga arbitri Andy Madley apo VAR dhe Arteta u ankua për ato thirrje pas ndeshjes.

“Ishin dy penallti skandaloze. Është penallti apo jo penallti dhe këto janë të dyja penallti”.

“Jam vërtet krenar, për mënyrën se si luajtëm, mënyrën se si dominuam lojën. Na mungonte ajo shkëndija në të tretën e fundit për të gjetur hapjen për të gjetur momentin e duhur dhe pasimin shtesë dhe pak cilësinë e përfundimit. Kemi pasur shumë situata rreth fushës për të bërë më mirë”.

Arteta nuk kishte folur me Madleyn (gjyqtarin kryesor) deri në momentin kur ai u përball me kamerat dhe këmbënguli: "Nuk jam këtu për të folur për gjyqtarët, më falni".

Trajneri i Newcastle, Eddie Howe pranoi se ai do të kishte kërkuar një goditje nga pika e bardhë nëse topi do të godiste një krah të Arsenalit, por gjithashtu shtoi se arbitri kishte të drejtë.

“Nuk e mbaj mend të parën, kështu që nuk mund ta komentoj këtë”.

“Nëse prekja me dorë, mendoj se nëse do të ishte anasjelltas, do të bërtisja për të. Ndoshta jo me besimin që duhet dhënë sepse distanca është shumë e ngushtë, nuk mendoj se krahu i Jakobit është lart, mendoj se është pranë tij. Për mua kjo nuk duhet të jetë një penallti”.

Newcastle, tani i pamposhtur në 15 ndeshje, është një pikë më tej në vendin e tretë.