Arsenal triumfon ndaj Liverpoolit dhe rikthehet fuqishëm në garë për titull

Arsenal ka shënuar fitore në kryederbin e xhiros së 23-të në Premierligë ndaj Liverpoolit.

“Topçinjtë” zhvilluan një paraqitje mahnitëse nga fillimi, për të fituar në fund me rezultat 3:1.

Bukayo Saka pas një topi të kthyer nga goditja e Kai Havertzit i dha epërsinë Arsenalit (13’).

Pas kësaj, loja deri në fund të pjesës së parë ishte e baraspeshuar, me vendasit që kishin dominimin por pak raste nga dy palët.

Ishte mbrojtësi Gabriel që shënoi një autogol në përpjekje për ta larguar topin nga goditja e Luis Diazit (45+3’).

Pjesa e dytë ishte edhe më interesante, ku të dy skuadrat luftonin me të gjitha forcat për t’i arkëtuar pikët e plota.

Sidoqoftë, portieri Alisson bëri një gabim amator duke humbur topin pas një dalje të panevojshme nga ku përfitoi Gabriel Martinelli që e riktheu epërsinë (67’).

Situata për “Reds” veçse u vështirësua me Ibrahima Konate që u ndëshkua me karton të kuq si pasojë e dy kartonëve të verdhë.

E në fund, Arsenal i dha goditjen finale me Lenadro Trossard, goditja e të cilit u devijua dhe përfundoi brenda rrjetës (90+2’).

Liverpool mbetet lider në kampionatin anglez me 51 pikë, duke pasur dy pikë më shumë se Arsenali që tani renditet e dyta me 49 sosh.