Avokati Smakiqi për targat: Policia e Kosovës nuk ka autorizime të lëshojë qortime si zëvendësim për gjoba
Avokati Xhevdet Smakiqi, ka shpejguar vendimin e Qeverisë Kurti për targat ilegale, ku një pikë e këtij vendimi thotë se do të bëhet qortimi i ngasësve të automjeteve me targa ilegale.
Smakiqi ka thënë se Policia e Kosovës nuk ka autorizim që të lëshojë qortime si zëvendësim të gjobave.
Ai thotë se vendimi i Kurtit për targat është kundërligjor dhe se zgjidhja për këtë çështje është që të bëhet Ligji për Amnesti.
“E kam theksuar dhe përseritur se zgjidhja juridike në këtë rast ka qenë dhe mbetet Ligji Për Amnesti ku do te perfshihej edhe afati kohor edhe lirimi nga pagesat e doganimit dhe kontrollimit teknik. Madje edhe sikur sot te nënshkruhet Marrveshja Finale Kosovë Serbi, prapë se prap çeshtja e targave do te merrte kohe 1 deri 2 vjet dhe gjithashtu do te obligonte Kosoven te nxjerrte një ligj per amnesit dhe lirim nga pagesat e doganimit dhe kontrollimit teknik.”, ka shkruar ndër të tjera ai në Facebook.
Shkrimi i plotë i tij:
Policia e Kosoves nuk ka autorizime te lëshoi çortime si zëvendësim te tiketave/gjobave!
Te jemi korrekt, në asnjë dispozitë te Ligjit Per Kundërvjatje, e as në Ligjin Për Trafikun Rrugor, e as në Ligjin Për Automjetet, Policia e Kosoves-Njësisa e Trafikut Rrugor nuk autorizohet më vendos apo shqiptuar masen administrative "Çortim" qe u shpikë nga Qeveria per drejtuesit e automjeteve me targa KM, GL, UR, PR, PE, PZ etj te ish sistemit KSAK-së.
Prandaj Qeveria më këtë vendim qesharak kundërligjor po krijon tensione në Veri, po e zbehë ushtrimin e sovranitetit dhe e më e rëndësishmja po e humb seriozitetin dhe autoritetin e policisë së Kosoves, duke i detyruar te lëshoi çortime.
E kam theksuar dhe përseritur se zgjidhja juridike në këtë rast ka qenë dhe mbetet Ligji Për Amnesti ku do te perfshihej edhe afati kohor edhe lirimi nga pagesat e doganimit dhe kontrollimit teknik.
Madje edhe sikur sot te nënshkruhet Marrveshja Finale Kosovë Serbi, prapë se prap çeshtja e targave do te merrte kohe 1 deri 2 vjet dhe gjithashtu do te obligonte Kosoven te nxjerrte një ligj per amnesit dhe lirim nga pagesat e doganimit dhe kontrollimit teknik.
E keqja është se vendimet e Qeverisë Kryeministrit janë populliste për like ne facebook assesi për zgjidhjen e problemeve te Kosoves.
