Avokati Berisha: Kjo që ndodhi sonte do të shënojë dënimin e parë me burgim të përjetshëm
Avokati Besnik Berisha ka thënë se vrasja e gruas shtatzënë në oborrin e QKUK-së, do të shënojë rastin e parë të dënimit me burg të përjetshëm.
Berisha përmes një shkrimi në llogarinë e tij në Facebook, tha se dënimi mund të mos ekzekutohet, vetëm nëse “dorasi i jep aktgjykimin vetën akoma pa u dënuar nga gjykata”.
“Kjo qe ndodhi sonte ne oborrin e SHSKUK , ku ne rrethana akoma te panjohura ish bashkeshorti privoi nga jeta gruan shtatezene dhe u zhduke akoma pa gjurme, do shenoi denimin e pare ne Kosove me burgim te perjetshem (te konfirmuar ne secilen instance). Ky denim mund te mos ekzekutohet vetem nese dorasi i jep aktgjykimin vetes akoma pa u denu nga gjykata. Keshtu mendoj une!”, ka thënë ai.
Ndërkohë, Policia e Kosovës ka konfirmuar se një 35 vjeçare është vrarë në oborrin e repartit të Gjinekologjisë.
Siç ka raportuar gazeta Nacionale më herët, i dyshuari ende nuk është arrestuar nga Policia e Kosovës.
Nacionale ka mësuar se trupi i pajetë i viktimës është tërhequr nga vendi i ngjarjes nga IML.
Gazetarja e Nacionales, Anita Nikaj, e cila raportoi nga vendi i ngjarjes, ka mësuar se viktima ishte e shtrirë në repartin Obstetrik dhe ishte në javën e fundit të shtatzënisë.
