“Jo në emrin tim”: Sot protestohet në 10 qytete të Kosovës kundër dënimit të çlirimtarëve

Protesta me moton “Jo në emrin tim” do të mbahet sot në të gjitha komunat e Kosovës.

Në shenjë kundërshtimi ndaj dënimit të ish-krerëve të UÇK-së nga Gjykata Speciale në Hagë, Organizata e Veteranëve të Luftës së Ushtrisë Çlirimtare të Kosovës ka paralajmëruar protesta në qytetet e Kosovës.

Sipas njoftimit të “Liria ka Emër”, tubimet në qytetet ku veprojnë degët e OVL UÇK-së do të zhvillohen në orare të ndryshme.

Sipas orarit të publikuar, protestat do të mbahen:

-Podujevë – ora 17:00, Sheshi “Zahir Pajaziti”;

-Prizren – ora 19:00, Shadërvan;

-Istog – ora 17:00, Parku i Qytetit;

-Rahovec – ora 17:00, Sheshi i Qytetit;

-Kaçanik – ora 17:30, Sheshi i Qytetit;

-Drenas – ora 17:30, Sheshi “Fehmi dhe Xhevë Lladrovci”;

-Deçan – ora 17:00, Qendra e Qytetit;

-Gjilan – ora 17:00, Para Teatrit të Qytetit;

-Mitrovicë – ora 17:00;

-Prishtinë – ora 21:00, Sheshi “Skënderbeu”.

OVL-UÇK ka deklaruar se protestat synojnë të shprehin mbështetjen për ish-krerët e UÇK-së dhe vlerat e luftës çlirimtare. Organizata ka bërë thirrje që protestat të zhvillohen në mënyrë paqësore.