Vuçiq pas takimit me përfaqësuesit e serbëve nga Kosova: Koha për të treguar seriozitet dhe përgjegjësi si komb
Presidenti i Serbisë, Aleksandar Vuçiqi, ka takuar mbrëmë në orët e vona përfaqësuesit e serbëve nga Kosova në Beograd, pas takimit që pati me kryeministrin, Albin Kurti në Bruksel.
Vuçiq në Instagramin e tij, ka thënë se u ka kërkuar serbëve që të jenë të kujdesshëm dhe të qetë për të ruajtur paqen dhe stabilitetin.
“...t'i përgjigjen arrogancës dhe arrogancës së të tjerëve ashtu siç përgjigjen gjithmonë njerëzit e denjë. Ne vetëm duam të mbrojmë tonat dhe asgjë më shumë. Kështu që jam i sigurt se si komb do të tregojmë pjekuri dhe do të ruajmë vatrat tona”, ka thënë Vuçiq, siç shkruajnë mediat serbe.
Takimi i Vuçiqit me përfaqësuesit e serbëve të Kosoëvs, vjen pas takimit që pati në Bruksël me kryeministrin e Republikës së Kosovës, Albin Kurti, takim ky, ku nuk u arrit asnjë marrëveshje për targat.
