Vetëvendosje nga "Facebook", tregon se “nuk i njeh” përgjigjet në rrjetet sociale dhe media, kërkon nga opozita të përgjigjen sonte për presidentin
Lëvizja Vetëvendosje, me anë të kryetarës së grupit parlamentar të tyre, Arbërije Nagavci, ka bërë të ditur se nuk i pranon përgjigjet në media dhe në rrjete sociale nga opozita. Pra, as propozimin për Vjosa Osmanin nga Abdixhiku e as refuzimin e PDK-së. Anipse, Vetëvendosje për t’u marrë vesh për Presidentin, PDK-së i bëri ofertë me anë të aplikacionit “Ëhatsapp”, dhe deklaroheshin se nuk ka nevojë për ftesë formale, tash Nagavci thotë se përgjigjet nuk i pranon në rrjete sociale.
“Përtej deklaratave në media e rrjete sociale nga PDK e LDK, deri më tani, ne nuk kemi pranuar zyrtarisht asnjë propozim konkret karshi ofertës sonë për t’i dhënë vendit një president konsensual e unifikues.” – shkruan Nagavci.
Tutje ajo ua ka rikujtuar PDK-së dhe LDK-së, se i presin veç edhe sonte.
“Për shkak të peshës së situatës dhe rëndësisë së afateve, ne mbesim në pritje të propozimeve konkrete edhe sonte, dhe i ftojmë edhe njëherë PDK-në e LDK-në që të kontribuojnë në tejkalimin e situatës me propozimin e 3 emrave, dhe t’i vënë në dispozicion nënshkrimet e të gjithë deputetëve të tyre dhe t’i japim fund krizës dhe t’i ofrojmë qytetarëve stabilitetin institucional që vendi e meriton.”
Ndryshe, afat kushtetues për zgjedhjen e presidentit ka deri më 28 prill, e martë.
