Ushtria ruse thotë se ka nisur ofensivë në Zaporizhia
Agjencia franceze e lajmeve, AFP, raporton se ushtria ruse ka thënë të shtunën se trupat e saj kanë nisur një ofensivë në rajonin juglindor të Ukrainës, Zaporizhia.
Forcat ruse pretenduan se kanë marrë “linja dhe pozicione më të avancuara” gjatë sulmit, shkruan gazeta “The Guardian”.
Ky rajon është bërë pjesë e luftimeve të ashpra në javët e fundit. Guvernatori rajonal, Oleksandr Starukh, tha se forcat ruse kanë kryer mbi 160 sulme me predha gjatë natës së mbrëmshme.
Përmes një shkrimi në rrjete sociale, ai tha se 21 qytete dhe qyteza kanë qenë në shënjestër të sulmeve. Raportohet se një grua është vrarë dhe dy persona të tjera kanë pësuar lëndime.
#BREAKING The Russian army said Saturday that its troops had launched an offensive in Ukraine's Zaporizhzhia region, where fighting this week intensified after several months of an almost frozen front. pic.twitter.com/ycdmiSAgdj
— AFP News Agency (@AFP) January 21, 2023
