SHBA: Nuk ka kuptim të dërgohen tanke Abrams në Ukrainë tani
SHBA po finalizon një paketë të re ndihme ushtarake prej 2.5 miliardë dollarësh për Ukrainën, e cila do të përfshijë automjete luftarake Stryker dhe më shumë automjete luftarake të këmbësorisë Bradley, raportoi CNN, duke cituar dy zyrtarë anonimë amerikanë. Sipas informacioneve jozyrtare të mëparshme, paketa nuk do të përfshijë tanket Abrams.
"Thjesht nuk ka kuptim në këtë pikë që SHBA të dorëzojë tanke M1 Abrams në Ukrainë," tha Sabrina Singh, një zyrtare e Pentagonit, pasi autoritetet gjermane thanë se nuk do të dorëzonin tanke në Ukrainë derisa SHBA-ja ta bënte këtë.
“Në fund të fundit është vendimi i Gjermanisë”
"Siç e dini, ne po dërgojmë automjete luftarake Bradley. Në fund të fundit është vendimi i Gjermanisë, ajo ka të drejtë të vendosë se çfarë ndihme sigurie do të ofrojë. Mendoj se sigurisht që po bëjmë gjithçka që mundemi për të mbështetur Ukrainën në atë që i nevojitet", ka shtuar ajo.
Kujtojmë se Gjermania gjoja vendosi dërgimin e tankeve Abrams si kusht që SHBA-ja të dërgonte tanket e saj Leopard. Gjermania ka thënë se do të japë dritën jeshile për të dërguar tanke Leopard të prodhimit gjerman në Ukrainë nëse Shtetet e Bashkuara pranojnë të dërgojnë tanket e veta Abrams, tha një zyrtar qeveritar për Reuters. /Nacionale/
