Selmanaj, Bislimit për "të pagjeturit": Ju dikush dyshoni në gjakun tuaj, unë s'ju kam faj
Zëvendëskryeministri i Kosovës, Besnik Bislimi është përplasur me deputetin e LDK-së, Driton Selmanaj për pranimin e Deklaratës për të pagjeturit në takimin e Kurti me Vuçiqin në Bruksel.
Fillimisht, Selmanaj ka thënë se Kosova i ka mundësuar Serbisë që të mos ketë përgjegjësi penale e jurdike.
“Me dakordimin e deklaratës për të zhdukurit, Kosova i mundëson Serbisë që të heq përgjegjësinë penale juridiko-shtetërore për zhdukjet e dhunshme sipas Nenit 2 të Konventës së OKB-së” – ka thënë Selmanaj.
Pas kësaj deklarate ka reaguar zëvendëskryeministri i Kosovës, Besnik Bislimi, i cili ia kujtoi Selmanajt deklaratën e tij për të pagjeturit dhe punën e Qeverisë Hoti për këtë çështje.
Selmanaj reagoi ashpër ndaj tij dhe tha se tema për të pëgjeturit nuk konsumohet kurrë.
“Kushdo që ka gjak shqiptari në organizimin e tij, tema për të pagjeturit kurrë nuk konsumohet, kurrë, a ju dikush që dyshoni në gjakun tuaj, nuk ju kam faj unë dhe këtë duhet ta dini”. – ka thënë ai
