Sekretari i jashtëm britanik pret që Kosova të formojë shpejt qeverinë: Është esenciale në këto momente sfiduese
Sekretari jashtëm i Mbretërisë së Bashkuar, David Lammy, ka përgëzuar Kosovën për zgjedhjet e 9 shkurtit.
Në një konferencë për media, pas takimit me presidenten Vjosa Osmani, ai ka thënë se shteti i tij pret që Kosova shumë shpejt të formojë qeverinë e re.
Sipas tij, formimi i qeverisë së re është esencial në këto rrethanat aktuale.
“E mirëpres progresin pozitiv që keni arritur në procesin zgjedhor në shkurt dhe shpresoj që do të vazhdohet se shpejti për të formuar qeverinë e re që është esenciale në këto momente sfiduese”, ka thënë Lammy.
Kurse, presidentja Vjosa Osmani e ka falënderuar kryediplomatin britanik për mbështetjen ndaj Kosovës.
Ai ka treguar se ka propozuar për lidhjen e një marrëveshje për thellimin strategjik të bashkëpunimit ndërmjet Kosovës dhe Mbretërisë së Bashkuara.
“Kjo vizitë është një dëshmi e marrëdhënieve të shkëlqyera dhe të çmuara ndërmjet dy shteteve. Kam bërë propozimin për lidhjen e marrëveshjes për thellimin strategjik të bashkëpunimit ndërmjet Kosovës dhe Mbretërisë së Bashkuara që do të mbulojë fushën e mbrojtjes dhe ekonomisë. Sot kemi diskutuar gjerë e gjatë për bashkëpunimin në këto fusha. E vlerësoj faktin që e keni mirëpritur këtë bashkëpunim. Një temë e rëndësishme ishte edhe dialogu me Serbinë”, ka thënë Osmani.
