Sekretari britanik për dërgimin e trupave në Kosovë: Do ta bëjnë krenare Mbretërinë e Bashkuar
Sekretar i mbrojtjes në Mbretërinë e Bashkuar, Rt Hon Grant Shapps, ka bërë të ditur se ka autorizuar dërgimin e ushtarëve britanikë në Kosovë. Rritja e trupave të KFOR-it po bëhet pas sulmit terrorist në Banjskë të Zveçanit, që la të vdekur një polic të Kosovës. Ky vendim është mirëpritur në Kosovë.
Sekrtari i Mbrojtjes së Mbretërisë së Bashkuar, në fjalimin e tij të publikuar në rrjetin social “X”(ish-Twitter), ai tha se 200 forca do t’iu bashkohen forcave aktuale paqëruajtëse në Kosovë.
Më tej, ai ka thënë se autorizimi për dërgimin e trupave britanikë në Kosovës është bërë për shkak të kërkesës urgjente nga NATO.
“Pas një kërkese urgjente nga NATO, kam autorizuar aktivizimin e një batalioni të ushtarëve britanikë për të ruajtur paqen në Kosovë.” – ka thënë ai.
Tutje, sekretari i Mbrojtjes ka thënë se e di që ushtarët e tyre në Kosovë do ta bëjnë krenare Mbretërinë e Bashkuara.
“Në ditët në vijim, qindra ushtarë dhe gra do të vendosen për të garantuar sigurinë dhe lirinë e të gjithëve në Kosovë dhe unë e di se do ta bëjnë Mbretërinë e Bashkuar krenare.” – ka thënë ai.
After an urgent request from NATO, I’ve authorised the activation of a battalion of British soldiers to keep the peace in Kosovo
— Rt Hon Grant Shapps MP (@grantshapps) October 1, 2023
In the coming days, hundreds of service men & women will deploy to ensure the safety & freedom of all in Kosovo and I know they will do the UK proud pic.twitter.com/ybsEgX0FbR
E ky vendim, është mirëprituar nga britanikja që e parë kishte paralajmëruar për bartjen e armatimit në manastiret serbe në Kosovë.
Alicia Kearns, deputete në Britaninë e Madhe që drejton Komisionin për Punë të Jashtme, ka thënë se kjo është një lëvizje e rëndësishme.
“Lëvizje e rëndësishme drejt parandalimit në Ballkan pasi Grant Shapps konfirmon dislokimin e të gjithë Batalionit të Parë të Regjimentit Mbretëror të Princeshës së Uellsit në Kosovë nën komandën e NATO/KFOR.” – ka thënë ajo.
Tutje, ajo ka përsëritur fjalët e saj duke thënë se mosndëshkimi ngjall përbuzje për sundim të ligjit.
“Mosndëshkimi ngjall përbuzje për sundimin e ligjit dhe rendit: pengo, mbro dhe mbaj përgjegjësi.” – ka shkruar ajo.
Important move towards deterrence in the Balkans as @grantshapps confirms deployment of the whole 1st Battalion of the Princess of Wales's Royal Regiment to Kosovo under NATO/KFOR command.
— Alicia Kearns MP (@aliciakearns) October 1, 2023
Impunity breeds contempt for the rule of law & order: deter, protect and hold to account.
Ndërkohë në Kosovë është kërkuar që KFOR-i të rris praninë e trupave të saj.
Kryeministri i Kosovës, Albin Kurti, e ka mirëpritur vendimin e NATO-së që të shtohen numrat e pjesëtarëve të KFOR-it në Kosovës.
Ai ka thënë se duhet që të ketë ushtarë më shumë pasi kufri me Serbinë është shumë i madh.
“Ne na duhet NATO-ja sepse kufiri me Serbinë është shumë i gjatë dhe ushtria serbe së fundi po forcon kapacitetet e saj dhe ata kanë shumë pajisje ushtarake, si nga Federata Ruse ashtu edhe nga Kina.” – ka thënë Kurti ditë më parë.
KFOR-i aktualisht ka rreth 3,800 ushtarë të dislokuar në Kosovë.
Sulmi terrorist në Banjskë
Më 24 shtator një grup i armatosur terrorist sulmoi Policin e Kosovës në fshatin Banjskë të Zveçanit.
Nga ky sulm i vrarë mbeti rreshteri, Afrim Bunjaku dhe u lëndua një polic tjetër.
Institucionet e Kosovës kanë thënë se ky sulm u sponorizua nga Serbia në përmes kriminelit, Milan Radojiçiq.
Radojiçiq ka pranuar se qëndron pas gjithë sulmit terrorist në Banjskë.
Ndërsa, ministri i Punëve të Brendshme, Xhelal Sveçla të dielën më 1 tetor ka publikuar edhe pamje të reja të grupit terrorist, ku faktohet se stërvitjet e grupit e armatimi i tyre është dhënë nga ushtria serbe.
