Rrëfimi në televizionin rus: Lufta po e lodh vendin tonë në çdo formë

Një prezantuese televizive ruse dhe një nga propagandistët më të shquar të Putinit pranoi në televizionin shtetëror se lufta në Ukrainë "po e lodh Rusinë në çdo mënyrë" dhe se shumë rusë duan t'i jepet fund armiqësive.

Deklarata të tilla në televizionin rus, në një det elogjish për ushtrinë, pushtimin dhe Putinin, tingëllojnë të pazakonta, sidomos kur merren parasysh ligjet që Putini ka nënshkruar që nga fillimi i pushtimit, sipas të cilave kushdo që flet kundër ushtrisë ose thjesht tregon për situatën e keqe në të cilën gjenden, ata mund të marrin deri në 12 vjet burg.

"Lufta po e lodh Rusinë"

Sidoqoftë, meqenëse Ukraina filloi një ofensivë të suksesshme në fund të verës, dhe Rusia, nga ana tjetër, një mobilizim mjaft i pasuksesshëm, i cili theksoi të gjithë kaosin në ushtrinë ruse, kritikat ndaj fushatës ushtarake dhe gjendjes në të cilën është Rusia, kanë qenë gjithnjë e më të shpeshta në TV të Putinit.

"Ne të gjithë jemi të rritur dhe të vetëdijshëm se lufta po e shteron shtetin rus në çdo mënyrë," tha propagandistja e Kremlinit Olga Skabeyeva në një video të përkthyer dhe shpërndarë nga Anton Gerashchenko, një këshilltar i ministrit të brendshëm të Ukrainës.

“Në të njëjtën kohë, ne si njerëz normal, natyrisht, nuk mund ti duam veprimet ushtarake dhe luftën, jam e bindur se çdo kush do të donte t'i jepej fund armiqësive”, shtoi ajo. “Por ne thjesht e kuptojmë se kjo është krejtësisht joreale dhe e pamundur në kushtet aktuale”. /Nacionale/