Gruda i PDK-së thotë se Topalli u shkarkua nga Ministria që pushteti t'i ikte përgjegjësisë për Rastin Dehari
Koordinatori i Departamentit për Drejtësi në kuadër të Kabinetit për Qeverisje të Mirë të PDK-së, Përparim Gruda, ka reaguar në lidhje me shkarkimin e kryeinspektorit Ylber Topalli.
Ai e quan këtë shkarkim një goditje të ulët, dhe një tentim për të ikur nga përgjegjësia Ministrja e Drejtësisë, Albulena Haxhiu, për zhdukjen e mostrave të Astrit Deharit.
‘’Ylber Topalli e ka paguar lirinë e Kosovës me gjymtyrët e tij. Shkarkimi nga pozita e kryeinspektorit është një goditje e ulët që bëhet ndaj tij, dhe qartazi një tentim për të ikur nga përgjegjësia që ka Ministrja e Drejtësisë për skandalin e zhdukjes së mostrave të rastit Dehari. Albulena Haxhiu është tash e dy vite Ministre e Drejtësisë, deri tani Ylber Topalli nuk ishte problem, tani që u zhduken mostrat brenda Ministrisë së Drejtësisë, do të krijojë një fajtor, të zhvendosin fajësinë’’- thotë Përparim Gruda në një postim në rrjetin social Facebook.
Përparim Gruda shprehet se ajo që duhet të shkarkohet është vetë Albulena Haxhiu.
‘’Mjaft e përdoret Astrit Deharin për politikat partiak, mjafte me goditje ndaj njerëzve meritor për lirin dhe pavarësinë e Kosovës. Ajo që duhet të shkarkohet është Minstrja e Drejtësisë’’- thotë Gruda.
