Ramadani, Sveçlës: Ku të pati mbetë amaneti gjatë luftës, ti nuk ke Verifikim të Sigurisë
Ish-kryeinspektori Burim Ramadani, i është kundërpërgjigjur ministrit Xhelal Sveçla, i cili e quajti ‘të fabrikuar’ informacionin që Ramadani dha mbrëmë në Pressing, për atë që sipas tij, ‘ministri është gjuajtur me kallash në Ujman’
Ramadani në këtë postim, veç tjerash thotë se ‘ministri Sveçla nuk ka Verifikim të Sigurisë’ dhe e fton që ta bëj të njëjtin.
Ramadani shkruan:
Më rrënqethi fryma patriotike e amanetit të Xhelal Sfeçlës.
Veç nuk e di ku të pati mbetur amaneti gjatë luftës?
Besoj që pate dezertuar apo jo? Apo ndoshta trimërisht e ke zbatuar “planin taktik IBSTL”?!
Njëjtë më rrënqeth edhe pasioni i një të afërmit tënd që, në emër tënd, guxon të merr në pyetje tjerët. Madje, më rrënqethin edhe ata dëshmitarë që kanë qenë aty dhe s’kanë bërë zë!
Por, nuk është tema kjo pjesë!
Dëgjo Xhelal, është me rëndësi që:
Puna ime si IP AKI ka përfunduar me nder dhe me falenderim publik më 21 dhjetor 2022 dhe kurrë e asnjëherë, në asnjë rrethanë dhe me asnjë motiv nuk kam përdorur e nuk do të përdori kurrë atë pjesë të jetës sime.
Çfarëdo ndërlidhje që tenton ta bësh, është jo vetëm e pabazë, por edhe e ndyrë në esencë!
Sepse, ti nuk ke asnjë lidhje me atë që kam punuar unë sipas Ligjit dhe mandatit!
Tek e fundit, nuk ke Verifikim të Sigurisë ti për të ditur gjë për punën time!
Je Ministër i Punëve të Brendshme, por kurrë nuk ke njoftuar nëse i je nënshtruar Verifikimit të Sigurisë, gjë që Ligji e kërkon qartësisht dhe pa asnjë dilemë!
Sepse, vetëm Presidenti, Kryeministri dhe Kryetari i Kuvendit nuk kanë nevojë për Leje të Sigurisë!
Ti duhesh!
Nënshtroju Verifikimit të Sigurisë, sepse shteti duhet të të Verifikojë.
Duhet të dihet kush je ti!
Jo pse po aludoj gjë, por Ligjit i nënshtrohemi të gjithë njësoj!
Unë për dallim nga ti, si zëvendës-ministër iu pata nënshtruar Verifikimit të Sigurisë.
Sidoqoftë, nuk besoj që ndonjëherë në jetë kam fabrikuar gjë.
Besoj se ikja nga rafalet e armës afër barkës nuk mund të komentohet si veprim trimërie e lavdie.
Shumë ende të përqeshin me reagimin, fatkeqësisht!
Edhe diçka:
Kur po e hap Urën e Ibrit?
A e ke këtë amanet?
P.S
Bëja sigurimin shëndetësor policëve të Kosovës
