Prokuroria Speciale ngre aktakuzë ndaj 5 personave, akuzohen për vepra penale që ndërlidhen me krim të organizuar
Prokuroria Speciale e Kosovës ka njoftuar se ka ngritur aktakuzë kundër pesë personave.
Në njoftimin për me media, Prokuroria ka treguar se të pandehurit akuzohen për vepra penale që ndërlidhen me krimin e organizuar.
Prokuroria ka treguar se rasti ka të bëjë me veprat penale të kryera gjatë viteve 2020 – 2022.
“Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamentin Special, kundër pandehurve N.S; A.S; B.S; SH.S. dhe J.F. Aktakuza është ngritur kundër pesë (5) të pandehurve për shkak se për të njëjtit ekziston dyshimi i mirë bazuar se kanë kryer veprat penale: “Fajdeja”, nga neni 331 par 3 lidhur me par.1 dhe me nenin 77 dhe 31 të KPRK-së; “Shpëlarja e parave” nga neni 302 i KPRK-së dhe nenit 56 dhe 57 të Ligjit 05/L-096 mbi parandalimin e pastrimit të parave dhe luftimit të terrorizmit; “Kanosja”, nga neni 181 par. 4 lidhur me par.1 dhe me nenin 31 të KPRK-së; “Pengimi i të provuarit apo procedurës zyrtare”, nga neni 386 paragrafi 2 i KPRK-së. Rasti ka të bëjë me veprat penale të kryera gjatë viteve 2020 - 2022, me qëllim të përfitimit të kundërligjshëm material, ku të pandehurit janë marrë me veprimtarinë e kundërligjshme të Fajdesë”, është thënë në njoftimi e Prokurorisë Speciale.
