PDK mbështet “Marshin për Drejtësi” për liderët e UÇK-së në Hagë
Partia Demokratike e Kosovës ka shprehur mbështetjen për “Marshin për Drejtësi” të organizuar nga platforma “Liria ka emër”.
Marshi është caktuar për 2 prill në ora 14:00 në Prishtinë dhe synon të solidarizohet me krerët e Ushtrisë Çlirimtare të Kosovës që aktualisht po përballen me gjyqin në Hagë.
Kryetari i PDK-së, Memli Krasniqi, ka ftuar të gjithë përfaqësuesit e partisë që t'i bashkohen marshimit dhe u ka bërë thirrje të gjithë aktivistëve, votuesve dhe qytetarëve të Kosovës që të marrin pjesë.
Siç shkruan faqja zyrtare e PDK-së në Facebook, kreu i PDK-së ka thënë se ka theksuar se "mesazhi i Marshit për Drejtësi është paqësor dhe qytetar, në solidarizim me krerët e luftës e paqes, Hashim Thaçit, Kadri Veselit, Jakup Krasniqit, Rexhep Selimit dhe bashkëluftëtarëve të tyre, para fillimit të procesit gjyqësor."
