Ose votim të fshehtë, ose hiç: Kurti qe dy muaj ua hoqi të drejtën deputetëve të votojnë “si të dëshirojnë”
Qe mbi tridhjetë herë Albin Kurti ua ka marrë të drejtën e votës në Parlament të Kosovës deputetëve që s’janë nën sigël të partisë së vet.
Aktgjykimi i Gjykatës Kushtetuese i vitit 2014 dhe i rikonfirmuar në aktgjykimin e fundit të para një jave, risjell atë se “deputetët votojnë SI TË DËSHIROJNË, në mënyrë të hapur ose të fshehtë”.
Por, aq më keq për aktgjykimet e Gjykatës Kushtetuese.
Albin Kurti, përmes kryesuesit të seancës konstitutive thjesht nga virtyti i moshës, Avni Deharit, ia ka hequr lirinë dhe të drejtën e kodifikuar kushtetuetshmërisht si “si të dëshirojnë” në atë se si dëshiron vetëm ai: votim të fshehur.
Votimin e hapur e ka hequr me arsyetimin se “ka dështuar tetë herë, dhe u desht të hiqej” ndërsa votimin e fshehur që ka dështuar mbi tridhejtë herë nuk e heq sepse “lejohet”.
Janë bërë 42 herë dështime për ta zgjedhur Albulena Haxhiun me Vetëvendosjen e cila nuk e ka gjënë elementare: shumicë parlamentare të thjesht prej 61 votash për të udhëhequr me vendin.
Avni Dehari hap seancën me “konstatoj se ka kuorum” dhe e mbyll pas dy-tre minutash se “nuk ka kuorum” anipse prezent në sallë janë nga 100-e-kusur deputetë.
Gjykata Kushtetuese e Kosovës kontsatoi se ndërrimi i rendit të ditës nga Dehari – i cili nuk e ka as edhe një kompetencë të vetme, por thjesht lexon automatikisht rendin ditës – duke futu mocion për komision të votimit të fshehtë ka kryer shkelje kushtetuese.
Dehari edhe pas këtij konstatimi vazhdon gjënë e njëjtë duke sjellë po atë votim për atë komision të ashtuquajtur për votim të fshehtë i cili s’kalon mbi 50 vota. Për Vetëvendosjen edhe pse s’ka vota s’ka gajle: votimi për komision që s’votohet, mbetet.
Pika 155 e aktgjykimit të Gjykatës Kushtetuese ia ndalon Deharit të mund të ndërmerrë diçka të re nga ajo që është përcaktuar: rendi i ditës i caktuar, thanë ata, është “përmbajtja kryesore dhe e vetme e seancës konstitutive”.
Nga Partia Demokratike e Kosovës dhe Lidhja Demokratike e Kosovës janë dërguar lëndë të reja për lëndën e njëjtë në Gjykatën Kushtetuese për të kërkuar konstatim të paeukivok për shkeljet e Deharit.
Presidentja e Kosovës, Vjosa Osmani në stilin e saj të kahershëm as/as dhe edhe/edhe tha se votimi i fshehtë “lejohet, por duhet konsensus”.
