Njësia Speciale stërvitet me programin e SWAT-it nga ambasada amerikane
Pjesëtarë të njësitit të posaçëm për ndërhyrje të Policisë së Kosovës kanë përfituar nga një kurs pesë javor nga ambasada amerikane.
Lajmi është afishuar në llogarinë e kësaj përfaqësie diplomatike në platformën sociale ‘X’.
Aty është vlerësuar se ky kurs trajnimi e fuqizon bashkëpunimin në fushën e sigurisë mes Shteteve të Bashkuara dhe Kosovës.
“Përgëzime për Njësinë Speciale për Intervenim të Policisë së Kosovës për përfundimin e kursit pesëjavor të SWAT-it të udhëhequr nga Programi për Ndihmë kundër Terrorizmit pranë Sigurimit diplomatik. Trajnimi juaj fuqizon bashkëpunimin për siguri mes ShBA-së dhe Kosovës dhe e mban të sigurtë ambasadën e ShBA dhe vendet tona. Falemnderit për shërbimin dhe përkushtimin tuaj”, është thënë në njoftimin e ambasadës amerikane.
Congratulations to Kosovo Police’s Special Intervention Unit on completing the 5-week SWAT course led by Diplomatic Security’s Anti-Terrorism Assistance Program. Your training strengthens U.S.–Kosovo security cooperation and keeps the U.S. Embassy and our countries safe. Thank… pic.twitter.com/fTXGJGYirg
— U.S. Embassy Pristina (@USEmbPristina) April 18, 2025
