Mes 12 vendimeve të sotme të Qeverisë, Kurti s’e zë në gojë vendimin për Manastirin
Kryeministri Albin Kurti, si rrallë herë, ka publikuar vetëm disa vendime nga mbledhja e sotme e Qeverisë.
Mes 12 vendimeve, Kurti ka publikuar vetëm pesë, por aty nuk gjindet vendimi i dekadës, ai për tokën e Manastirit të Deçanit.
Në mbledhjen e 193-të të Qeverisë, mes 12 vendimeve:
• Themeluam Ndërmarrjen Publike Qendrore “Korporata e Ruajtjes së Energjisë” Sh. A.;
• I dërguam Kuvendit Projektligjin për të huajt;
• Inicuam blerjen e objekteve për nevojat e misioneve diplomatike në Paris të Francës, Romë të Italisë, Otavë të Kanadasë dhe Ankara të Turqisë.
• Ndamë mjete buxhetore:
- 520,000 euro për financimin shtesë të projektit “Renovimi i kulmit dhe rikonstruksioni i hapësirave të brendshme në objektin e Institutit për Mjekësi Ligjore”;
- 76,730 euro për zbatimin e masës 2.1 Subvencionimi i kredive investive të Pakos së Ringjalljes Ekonomike; si dhe
- 25,000 euro për realizimin e projektit “Enciklopedia Shqiptare”.
• Miratuam nismat për tri marrëveshje ndërkombëtare për:
- projektin “Zhvillimi i Ujërave të Zeza në Mitrovicë”;
- menaxhimin e grant kontratës të asistencës teknike në kuadër të Programit për Bashkëpunim Ndërkufitar Kosovë - Maqedoni e Veriut nën IPA III (2021-2027);
- projektin “Energjia Diellore Fotovoltaike në KEK – Porta Globale”.
