Latifi për foton Kurti-Vuçiq: M’u kujtua ai titulli i famshëm i romanit të Qosjes
Po vazhdon takimi mes kryeministrit, Albin Kurti dhe presidentit të Serbisë, Aleksandar Vuçiq, me ndërmjetësim të kryediplomatit të BE-së, Josep Borell në Bruksel.
Tashmë kanë dalur edhe fotografitë nga ky takim. Një ndër to, e ka komentuar profesori universitar dhe analisti, Blerim Latifi.
Fotoja e Kurti dhe Vuçiqit, Latifit ia ka kujtuar romanin e Rexhep Qosjes.
“Sapo e pashë kët' fotografi, m’u kujtua ai titulli i famshëm i romanit të Qosjes “Vdekja më vjen prej syve të tillë"”, ka shkruar ai në mbishkrimin e fotografisë.
Ndryshe, Kurti e Vuçiqi janë takuar të hënë në Bruksel për të gjetur një zgjidhje për situatën në veri dhe targat.
