Lajçaku takim me Kurtin: U pajtuam për zbatimin e të gjitha marrëveshjeve të kaluara
Emisari i BE-së për dialogun Kosovë-Serbi, Miroslav Lajçak ka folur pas takimit me kryeministrin e Kosovës, Albin Kurti që u mbajtë të mërkurën mbrëma në Prishtinë.
Lajçak ka thënë se me Kurtin janë pajtuar për zbatimin e të gjitha marrëveshjeve të kaluara, duke nënkutpuar se në ketë takim është biseduar edhe për Asociacionin.
Gjithashtu në këtë takim ishte edhe zëvendësi i Kurti, Besnik Bislimi.
“U ktheva sot në Kosovë për të vazhduar diskutimet e mia të sinqerta, të hapura dhe intensive me Kryeministrin Albin Kurti dhe ZKM Besnik Bislimin për hapat e ardhshëm dhe rrugën përpara për normalizimin e marrëdhënieve me Serbinë. Ne gjithashtu ramë dakord që të gjitha marrëveshjet e kaluara të dialogut duhet të zbatohen plotësisht.” – ka shkruar Lajçak në Tëitter.
Ndryshe për Lajçakun është hera e dytë që po qëndron në Kosovë brenda javës.
Back in Kosovo today to continue my frank, open and intense discussions with PM @albinkurti and DPM @BislimiBesnik on next steps and the way forward on normalisation of relations with Serbia. We also agreed that all past Dialogue Agreements must be fully implemented. pic.twitter.com/zURabtdEmF
— Miroslav Lajčák (@MiroslavLajcak) January 25, 2023
